Buruketak lantzen ekuazioen bitartez

Laukizuzen batean, oinarria altuera baino 1 cm luzeagoa da. Perimetroak 26 cm neurtzen du. Zenbat neurtzen dute laukizuzenaren aldeek? Zenbat da laukizuzenaren azalera?

Zenbaki baten eta zenbaki horren erdiaren arteko batura 105 da. Zein da zenbaki hori?

10 unitateko tartea duten bi zenbaki bilatu nahi ditugu, eta badakigu euren baturaren erdia 30 dela. Zein dira bi zenbaki horiek?

Zenbat balio zuen produktu batek hasieran, % 15eko deskontuaren ondoren 17 € ordaindu badugu produktuaren truke?

Autoa alokatzeko etxe batek 36 €-ko kostu finkoa eta kilometroko 0,30 € kobratzen ditu auto jakin bat alokatzeagatik. Martxelek 98,60 € ordaindu bazituen aipatu zerbitzuagatik, zenbat kilometro egin zituen auto horretan?

Aita batek 35 urte ditu; semeak, 8; eta alabak, 7. Noiz izango da aitaren adina bi seme-alaben adinen batura?

Kristinak eta Koldok 45 puxtarri dituzte. Honela esan dio Kristinak Koldori: “Emazkidazu 5 puxtarri, eta, horrela, zuk dituzun puxtarrien bikoitza izango dut nik“. Zenbat puxtarri ditu bakoitzak?

Trapezio isoszele batean, alde berdinek oinarrien batez besteko aritmetikoa neurtzen dute. Oinarri handiena txikiena baino 2 cm handiagoa da. Perimetroa 30 cm da. Zenbat da alde bakoitzaren balioa?